Հայ օգնության միություն կամ՝ ՀՕՄ. այս կազմակերպության անունը անծանոթ չէ արցախցիներին։ Կանանց անկախ բարեգործական կազմակերպություն է, ՄԱԿ-ի ոչ կառավարական կազմակերպությունների հասարակական լրատվության դեպարտամենտի անդամ։ 27 երկրներում ունի մասնաճյուղեր՝ ավելի քան 16 հազար անդամով։ 1990 թվականից հիմնադրել է իր մասնաճյուղերը նաևՀայաստանի տարբեր քաղաքներում, իսկ 92 թվականին, Արցախյան առաջին պատերազմի այն ծանր օրերին, ՀՕՄ-ը մուտք է գործել Արցախ։ ՀՕՄ-ի արցախյան հին և նոր ծրագրերի մասին Սրբուհի Վանյանը զրուցել է ՀՕՄ-ի կենտրոնական վարչության ատենապետ Նաիրի Տերտերյանի հետ: