Շրջանառվող լուրերը, իբր առաջիկա երեք օրերին ալյուր ընդհանրապես չի մատակարարվելու` կեղծ են: Այս մասին «Արցախ» լրատվականին հայտնեցին ԱՀ գյուղի և գյուղատնտեսության աջակցության հիմնադրամից:

«Առաջիկա օրերին հացի արտադրամասերին մատակարարվելու է որոշակիորեն կայուն ծավալի ալյուր՝ չնվազեցնելով նախորդ օրերի արտադրության ծավալները: Թեև տարբեր խնդիրներ են առկա հունձի կազմակերպման, ցորենի անհրաժեշտ ծավալի, ալրաղացների գործունեության և վառելիքի հասանելիության հետ կապված, սակայն առաջիկա օրերին հնարավոր է լինելու պահպանել ալյուրի մատակարարման ու հացի արտադրության ծավալների կայուն մակարդակը՝ առնվազն վերջին օրերի չափով»,-նշել են հիմնադրամից: