Արցախում գալիք տարվա ընթացքում ֆուտբոլի զարգացմանն ուղղված պետական աջակցության մեծ ծրագրեր են նախատեսվում: Այսօր  նախագահ Արայիկ Հարությունյանը   ընդունել է Արցախի ֆուտբոլային լիգայի անդամ ակումբների ներկայացուցիչներին: Հանդիպմանը քննարկվել են ակումբների ֆինանսական խնդիրներին ու հանրապետության շրջանների ֆուտբոլային մարզադաշտերի սպասարկմանը վերաբերող հարցեր: Ինչպես  հաղորդում են նախագահի աշխատակազմից՝  երկրի ղեկավարը հավաստիացրել է, որ բարձրացված բոլոր խնդիրներին կտրվեն պատշաճ լուծումներ: