Նոյեմբերի 21, 2024
«Ադրբեջանը պիտի վերադարձվի Իրանին»․ իրանցի դիվանագետ
By «Արցախ» լրատվական
Օգոստոսի 01, 2022
Tehran Times
Իրանցի դիվանագետ, Իտալիայում և Աֆղանստանում Իրանի նախկին դեսպան Աբոլֆազլ Զոհրեվանդը իր վերջին 40 րոպեանոց հարցազրույցում, որի ձայնագրությունը տրամադրվել է նաև «Փակագիծ Վերլուծական Հարթակ»-ին, անդրադառնալով Իրանի հոգևոր առաջնորդ Այաթոլլահ Խամենեիի Էրդողանի հետ հանդիպման ժամանակ հայտարարած միտքը, որ Իրանը դեմ կլինի Իրան-Հայաստան սահմանագծի փոփոխությանը, ուշագրավ և սկանդալային հայտարարություններ է կատարել: Վերլուծական հարթակն առանձնացրել է կարևոր կետերը։
- Թուրքիան իր ներքին քաղաքական համակարգի պատճառով, այս կեղծավորությունից փախուստ չունի, շատ վատ կենդանի է նա, և մենք երբևէ չենք կարող մտածել, որ նմանատիպ Թուրքիայի հետ կկարողանանք ռազմավարական դաշնակցություն, անգամ ռազմավարական համագործակցություն ունենալ, մենք ռազմավարական մրցակիցներ ենք լավագույն դեպքում, հետևաբար Նախիջևանի ու Ղարաբաղի խնդիրները մեր վնասին վերջացան:
- Մենք հիմա էլ ականատես ենք, եր ԱՄՆ-ի ԿՀՎ-ի ճնշմամբ փորձում են Հայաստանի և Թուրքիայի հարաբերությունները բարելավել: Այդ հարաբերությունների բարեկարգումն էլ Իրանի ու Ռուսաստանի վնասին է: Նրանք շատ են ձգտում, որ Հարավային Կովկասում, ինչպես Վրաստանում տեղի ունեցավ, Իրանի և Ռուսաստանի ցամաքային կապը կտրել և ոչնչացնել, դա մեր շնչափողը կփակի: Թեև Հարավային Կովկասը մեր քաղաքակրթական ազդեցության գոտին է:
- Նախիջևանի դեպքում մենք շատ ավելի լավ էինք կարող աշխատել: Առհասարակ Նախիջևանը պիտի վերադարձվի Իրանին: Նախիջևանը մեր աքիլեսյան գարշապարն է: Անգամ եթե Ադրբեջանն ու Նախիջևանը ստորգետնյա թունելով իրար միանան, եթե Թուրքիան և Ադրբեջանը մի կերպ ցամաքային կապ ունենան իրար հետ, մենք խնդիրներ ենք ունենալու, որովհետև Թուրքիայի հանդեպ մեր ճնշման լծակները հենց տարանցիկ ճանապարհներն են, ու մի կասկածեք, որ թուրքերը կփակեն մեզ: Հիմա գնացեք տեսեք, թուրքերը իրենց սահմանը Իրանի հետ փակում են բետոնե պատերով, այնտեղ սիրոնիստական միտքն է ներգործում:
- Հենց այս լուրջ սպառնալիքների պատճառով է, որ պիտի Ռուսաստանի հետ հարաբերություններին շատ լուրջ վերաբերվենք և հենց այստեղ է, եր մենք նրանց հետ ռազմավարական ընդհանրություններ ունենք: Հյուսիս-Հարավ առևտրային ճանապարհը համաշխարհային առևտրի հաշվարկները կփոփոխի: Այս ճանապարհը հանապազորյա հացից ավելի կարևոր է: Ու հենց մեր շրջապատի միջադեպերը, ինչպիսիք են Աֆղանստանն ու Իրաքը, միայն դրա համար են, որ այդ ճանապարհները չկառուցվեն:
- Հայաստանի հարցը բազմաթիվ պատճառներով, գերադասելի է, քան Ադրբեջանը: Ադրբեջանը հենց այն կետն է, որտեղ ՆԱՏՕ-ն կարող է գալ և Իրանի մասնատման գործարքը մեկնարկել: Ղարաբաղի հարցը շատ կարևոր էր: Այժմ էլ, այս վարչապետը, որ գործի վրա է Հայաստանում, իրավասու և պատշաճ անձնավորություն չէ, շատ վատ է խաղացել, նա ներթափանցած անձ է Հայաստանում: Հայերը Իրանի դաշնակիցն են, զարմանալի ընդհանրություններ ունենք իրար հետ, և պատմության վաղ շրջաններից հայերը միշտ Իրանի կողքին են եղել: Մեզ համար հայերը առաջնահերթություն ունեն։ Առհասարակ Ադրբեջան, որպես այդպիսին, գոյություն չի ունեցել։ Ադրբեջանը պիտի վերադարձվի Իրանին, իրականությունը սա է, մինչև Ադրբեջանը չվերադարձվի Իրանին, միշտ մեզ համար կմնա որպես քաղցկեղային ուռուցք: Ազերիները Իրանցի են, բայց գնում են ինչ-որ ծագումնաբանություն են հորինում իրենց համար, թե իբր, Կենտրոնական Ասիայի թուրքերից են առաջացել, պատմություն են հորիում: Մենք չպիտի թույլ տանք, որ Ադրբեջանն խնդիրները լուծի այնպես, ինչպես ցանկանա:
