Նոյեմբերի 23, 2024
Artsakhpress
Խաղաղությունը յուրաքանչյուր հայի փափագն է։ Ստեփանակերտի համար 7 դպրոցի միջանցքները, դահլիճը զարդարված էին խաղաղության վերաբերյալ պաստառներով։ Երեխաներն իրենց ձեռքով խաղաղության աղավնիներ էին պատրաստել։ Երգ-երաժշտությունը տրամադրող էր, ներկաների հոտնկայս ծափահարություններն էլ՝ երեխաների աշխատանքի լավագույն գնահատականը։ Միջոցառումը կոչված էր ևս մեկ անգամ հիշեցնելու, որ հազարամյա պատմություն ունեցող արցախցիներն իրենց պատմական հայրենիքում են՝ ասում է դպրոցի տնօրեն Անահիտ Պողոսյանը։
«Այս պապենական հողում մենք ենք տերը, մեր փոքրիկները հաստատեցին դա»։
Արցախում միշտ էլ հատուկ վերաբերմունք է եղել ռուսաց լեզվի նկատմամբ։ Մայրենի՝ հայոց լեզվից հետո ռուսերենն ամենատարածվածն է Արցախում։ Այն ազգը, որ սիրում է հարևան ազգին, պաշտպանում է նաև իր ազգի պատիվը՝ ասում է ԿԳՄՍ նախարարության պետական տեսուչ, ռուսաց լեզվի գլխավոր մասնագետ Ռուբեն Օսիպովը:
«Արցախցի երեխաները ազատ խոսում են ռուսերեն»։
Միջոցառմանը ներկա էր նաև ԿԳՄՍ նախարար Անահիտ Հակոբյանը։ Նա ողջունել է նման միջոցառումների կազմակերպումը, նշել որ հայրենիքի նվիրյալները պատմության էջերում կմնան որպես հայրենասեր, քաջ ու անձնուրաց հերոսներ։ Միջոցառմանը ներկա էր նաև Արցախի Հանրապետության առաջին տիկին Քրիստինե Հարությունյանը։
