Ադրբեջանի կողմից Քաշաթաղի միջանցքի արգելափակմամբ պայմանավորված, ԱՀ ԿԳՄՍ նախարարությունն այս ուսումնական տարվան ընդառաջ չի կարողանա կազմակերպել ավանդական դարձած` առաջին դասարանցիներին՝ առաջին անհրաժեշտության գրենական պիտույքներով ուսապարկերի տրամադրման ծրագիրը, հայտնում են նախարարությունից:

Հաշվի առնելով նաև` խանութներում դպրոցական պայուսակների պակասը՝ ԿԳՄՍ նախարարությունն իրականացնում է պայուսակների հավաքագրման՝ «Լույսի պայուսակ» ակցիան: Դրա շրջանակներում` Ստեփանակերտում և շրջանների բոլոր դպրոցներում ստեղծվել են պայուսակների հավաքագրման կետեր: Նախարարությունը հորդորում է այն քաղաքացիներին, ովքեր տանն ունեն համեմատաբար լավ վիճակում գտնվող լրացուցիչ դպրոցական պայուսակներ և առաջին դասարանի` բարվոք վիճակում գտնվող այբբենարաններ, դրանք տանել իրենց բնակության վայրին մոտ գտնվող դպրոց և հանձնել:

Ովքեր մինչև սեպտեմբերի մեկը հնարավորություն չեն ունենա ձեռք բերել պայուսակներ, կկարողանան օգտվել հավաքագրման կետերից։