6 երեխաների մայր Շուշան Սիմոնյանը Հադրութի շրջանի Թաղասեռ գյուղից է: Անդրանիկ որդին Արցախյան առաջին պատերազմի սկզբին է ծնվել: Երկնքի պարգևը հենց այդպես էլ կոչեց՝ Նվեր:  Ապրիլյան պատերազմի ժամանակ Շուշանը Նվերին նվիրեց հայրենիքին:  44-օրյա պատերազմի ժամանակ Նվերի երեք եղբայրներն առաջնագծում էին: Այդ օրերին Շուշանը իր երկրորդ որդուն՝ Դրաստամատին, ևս նվիրեց հայրենիքին: Իր երկու որդիները հավերժ մնացին 26 տարեկան: Որդիների կորստից հետո հաջորդը՝ հայրենի տունն էր: Շուշանն այժմ փորձում է բարձր պահել իր որդիների պատիվը: Շուշանը ՄԵՐ ԿՈՂՔԻՆ է ապրում: