Ադրբեջանի կողմից    օկուպացված Շուշիում վերջին տարիներին կյանքը օրեցօր աշխուժանում էր։ Շուշիում տեխնոլոգիական համալսարանի բացումը բերդաքաղաքը զարգացնելու պետական քաղաքականության բաղադրիչներից էր։ 44-օրյա պատերազմից հետո համալսարանի դասախոսա-ուսանողական անձակազմի առաջ ծառացան բազում խնդիրներ, որոնք պատվով հաղթահարել են, «Արցախ» լրատվականի հետ զրույցում ասում է Շուշիի Տեխնոլոգիական համալսարանի Բնագիտական կապի միջոցների և տեղեկատվական տեխնոլոգիաների դեպարտամենտի ղեկավար Ռոբերտ Հարությունյանը։

ՍԻՆՔՐՈՆ—ՌՈԲԵՐՏ

Բոլոր դժվարություններին հակառակ պատերազմից հետո համալսարանի անձնակազմի հիմնական մասը վերադարձել է։ Չվերադարձողներ նույնպես եղել են։ Ռոբերտ Հարությունյանն ասում է, որ նրանցից շատերը տուն-տեղ են կորցրել, ինչն էլ ազդել է նման որոշման կայացմանը։ Նոյեմբերի 9-ի եռակողմ հայտարարությունից հետո լծվել են խնդիրների լուծմանը։ Առաջնայինը՝ համապատասխան շենք գտնելն էր:

ՍԻՆՔՐՈՆ—ՌՈԲԵՐՏ

44-օրյա պատերազմից հետո համալսարանի ուսանողները ժամանակից շուտ հասունացան, նկատում է Ռոբերտ Հարությունյանը։ Բուհի ուսանողական գիտական ընկերության ղեկավար Հերմինե Առուշանյանը հիշում է համալսարանում անցկացրած վերջին օրը։

ՍԻՆՔՐՈՆ—ՀԵՐՄԻՆԵ

44-օրյա պատերազմը համալսարանի 55 ուսանողի կյանք խլեց։ Այստեղ բոլորը հիշում են նրանց և գիտակցում, որ այսօրվա խաղաղ օրվա համար հերոս նահատակների երեկվա սխրանքներին են  պարտական:

ՍԻՆՔՐՈՆ—ՀԵՐՄԻՆ

ԵՇուշիի տեխնոլոգիական համալսարանն այժմ հաստատվել է Քրիստափոր Իվանյանի անվան ռազմամարզական վարժարանի նախկին շենքում։ Այս խնդրի լուծումը փոքրիշատե թեթևացրեց անձնակազմի հոգսերը։ Բայց պատերազմից կրած  վնասները   վերականգնելու համար ժամանակ է պետք, ասում են։ Համալսարանում լաբորատորիա  էր գործում: Արտադրվում էին հյութեր, մուրաբաներ ու կոսմետիկ միջոցներ:  Նյութական ոչինչ փրկել չի հաջողվել: Այժմ ամեն  ինչ զրոյից են սկսում:  Չեն մոռանում նաև նոր ծրագրերի մասին։   Այս տարի  պիլոտային ծրագիր  է գործարկվել, որը հնարավորություն  է տալիս դպրոցների այն շրջանավարտներին, որոնք  միասնական քննություններ չեն հանձնել կամ բավարար միավորներ չեն հավաքել,  գյուղատնտեսական  ոլորտի   հմտություններ ձեռք բերել՝ հետագայում, ցանկության դեպքում,  այն որպես մասնագիտություն ընտրելու համար։