Ադրբեջանը կրկին խախտել է հրադադարի ռեժիմը։ Այս մասին հայտնում է ԱՀ պաշտպանության նախարարությունը։ «Հուլիսի 23-ին, ժամը 10:00-ից 12:50 ընկած ժամանակահատվածում, ադրբեջանական զինուժը, ընդհատումներով կրակ է բացել Սարուշեն գյուղի տարածքում աշխատող կոմբայնի ուղղությամբ՝ կիրառելով հրաձգային զենք ու 60 մմ ականանետ։ Հայկական կողմից կորուստներ չկան։ Խախտումների վերաբերյալ տեղեկացվել է ռուսական խաղաղապահ զորակազմի հրամանատարությանը», ասվում է Արցախի պաշտպանական գերատեսչության տարածած հաղորդագրությունում։