Նաիրուհի Իսահակի Ալավերդյանը հայ խորհրդային պարուհի, երգչուհի է, ՀՀ վաստակավոր արտիստ։
Ծնվել է Ստեփանակերտում, Իսահակ Ալավերդյանի և Քնարիկ Սուլեյմանյանի ընտանիքում։ Ավարտել է Ստեփանակերտի Կոմիտասի անվան երաժշտական ուսումնարանը, Մանկավարժական ինստիտուտի բանասիրական ֆակուլտետը։ 1958 թվականից՝ Ղարաբաղի երգի-պարի պետական անսամբլի մեներգչուհի-պարուհի, 1978 թվականից՝ «Ղարաբաղ» էստրադային անսամբլի մեներգչուհի։
Ալավերդյանի երգացանկում կան նաև արտասահմանյան երգիչների կատարումներ։ Հյուրախաղերով հանդես է եկել Ֆրանսիայում, Հունաստանում, Բուլղարիայում, Պարսկաստանում։