Արցախը ծանրագույն օրեր է ապրում: Այսպես էր և 100 տարի առաջ: Պատմությունը կրկնվում է, մինչդեռ դասեր այդպես էլ չենք քաղում:

1918թ. նոյեմբերի 16-ին սկսվում է Անդրանիկ զորավարի հայկական առանձին զորամասի շարժը դեպի Արցախ: Զորքն անցնում է Զաբուխը: Ավդալար գյուղում (Լաչին) մեծ հայդուկապետին է հանձնվում Ադրբեջանի գեներալ-նահանգապետ Թոմսոնի նամակը: Անդրանիկից պահանջվում էր վերադառնալ Գորիս: Պահանջը կատարվում է, մինչդեռ զորավարը նոյեմբերի 20-ին պիտի մտներ Շուշի: Արցախցիներն իրենց փրկությունը, թուրքական լծից ազատագրումը կապում էին նրա հետ: