Նոյեմբերի 21, 2024
Պատկան մարմինը հորդորում է կաթնամթերք չգնել․ «Արցախկաթ» և «Առաջնեկ» ընկերությունների փորձաքննության արդյունքները
By «Արցախ» լրատվական
Մարտի 04, 2023
Այսօր «Համաճարակաբանության և հիգիենիայի կենտրոն» ՊՈԱԿ լաբորատորիայից ԱՀ պետական տեսչությունների կառավարման կոմիտեին հայտնել են, որ «Արցախկաթ» և «Առաջնեկ» ընկերությունների կաթնամթերքի արտադրանքների պարբերական փորձաքնությունների գործընթացում, փետրվարի 27-ին «Արցախկաթ» ՓԲԸ թթվասերի արտադրանքում հայտնաբերվել է ոսկեգույն ստաֆիլակոկ մանրէ, իսկ մածուն արտադրանքի մեջ ԱՑԽՄ-ի թույլատրելի շեմից բարձր մանրէներ, իսկ «Առաջնեկ» ՓԲԸ կաթնաշոր արտադրանքում խմորասնկեր և բորբոսասնկեր։
Հիմք համարելով նշած փորձաքննության արդյունքները հետ է կանչվել շուկայից նշված արտադրանքները, ինչպես 27-ի արտադրության մնացորդները, այնպես էլ մինչ այսօր շուկայում վաճառվող «Արցախկաթի» թթվասերն ու մածունը և «Առաջնեկի» կաթնաշորը։
Կասեցվում է «Արցախկաթ» ընկերության մածունի և թթվասերի արտադրության առանձին գործառույթները, իսկ «Առաջնեկ» ՓԲԸ- ում հայտարարվելու է սանիտարական օր։
Պատկան մարմինները հորդորում են զերծ մնալ նշված ապրանքստեսակների այսօրվա գնումներից, իսկ գնված ապրանքները չօգտագործել, ինչպես նաև հայտնում են, որ չնայած հայտնաբերված մանրէին այս պահի դրությամբ «Արևիկ» բուժմիավորման ինֆեկցիոն բաճանմունք տվյալ մասով հիվանդներ չեն ընդունվել։
