Արման Մելիքյանը ծնվել է 1997 թվականին Չարենցավանում: Փոքր տարիքում ընտանիքի հետ տեղափոխվել է Քարվաճառ: Իր ժամկետային ծառայությունն անցել է Ասկերանի զորամասում: Ապրիլյան պատերազմի ընթացքում մասնակցել է Ակնայի պաշտպանական մարտերին, որպես վարորդ և հրաձիգ: Զորացրվելուց հետո վերադարձել է Քարվաճառ, որտեղ էլ արդեն որպես պայմանագրային զինծառայող մասնակցել է 44-օրյա պատերազմին: Պատերազմի առաջին օրը թշնամու ավիահարվածից զոհվել է նրա հայրը` Ավագ Մելիքյանը, ով նույնպես պայմանագրային զինծառայող էր: 2020թ. նոյեմբերի 9-ի հայտարարությամբ Քարվաճառի` թշնամուն հանձնումից հետո Արման Մելիքյանը տեղափոխվել է Չարենցավան և հեռացել բանակից: Այժմ վարորդությամբ է զբաղվում քաղաքացիական կյանքում:Ինչպես շատերը, ովքեր մասնակցել են պատերազմին, Արման Մելիքյանը ևս քչախոս է այն հիշելուց:Թե ինչպես դիմավորեց Ապրիլյան պատերազմը, ի՞նչ զգաց այդ օրերին և ինչպե՞ս օգտագործեց Ապրիլյան պատերազմի փորձը 44-օրյա պատերազմի ժամանակ, պատմում է Արման Մելիքյանը.