Ադրբեջանի ԶՈւ-ի կրակոցից զինծառայող է զոհվել: Այս մասին հաղորդագրություն է հրապարակել ՀՀ ՊՆ մամուլի ծառայությունը:

«Օգոստոսի 21-ին՝ ժամը 15։30-ի սահմաններում, Ադրբեջանի ԶՈՒ ստորաբաժանումները կրակ են բացել Ախպրաձորի հատվածում տեղակայված հայկական դիրքի ուղղությամբ, որի հետևանքով հրազենային մահացու վիրավորում է ստացել զինծառայող Վանիկ Արամի Ղազարյանը»,-ասվում է հաղորդագրությունում: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակիցներին: