Դեկտեմբերի 03, 2024
Մեղմել կախվածությունը էներգիայի հիմնական աղբյուրներից․ գոմաղբ
By Դավիթ Եղիազարյան
Մարտի 11, 2023
Գեղարքունիք մարզի Փամբակ գյուղի բնակիչ Նվեր Խլոյանն Արցախյան առաջին պատերազմի ընթացքում մասնակցել է Քարվաճառի ազատագրմանը, ստացել է վիրավորում, երկրորդ կարգի հաշմանդամ է: Չնայած դրան՝ մասնակցել է նաև Ապրիլյան և 44-օրյա պատերազմներին: Որպես զինվորական հաշմանդամ ստանում է նպաստ, որը, սակայն, շատ ցածր է, և Նվեր Խլոյանը որոշել է զբաղվել Հայաստանում ոչ այդքան տարածված գործով՝ գոմաղբից կենսագազի արտադրությամբ: Ճիշտ է, 2020 թվականի պատերազմից հետո Խլոյանը ժամանակավորապես դադարացրել է կենսագազի արտադրությունը, բայց վստահ է, որ շուտով կկարողանա վերսկսել իր զբաղմունքը: Կենսագազի արտադրության առանձնահատկությունների մասին զրուցել ենք Նվեր Խլոյանի հետ:
