Քաշաթաղի Հոչանց գետի վերին հոսանքների շրջանում Հոչանց գյուղի մերձակայքում գտնվում է  եկեղեցական համալիր։ Չնայած եկեղեցին գտնվում է մեկուսի և դժվարամատչելի վայրում՝ կարելի է պնդել, որ այն չի ծառայել միայն կուսակրոններին և մենաստան չի եղել: Եկեղեցուն հարակից տարածքներում և հարևան ձորակներում բնակելի քարանձավների առկայությունն ու տեղաբաշխման խտությունը խոսում է ժամանակին այս վայրերի խիտ բնակեցված լինելու մասին: