Ստեփանակերտում ևս մեկ մարզադահլիճ ավելացավ։ Այստեղ մարզվելու են հիմնականում Շուշիից ու Հադրութից տեղահանված սամբո սպորտաձևով զբաղվող մարզիկները։ Մարզադահլիճը կոչվել է «Adamyan’s club»՝ մարզչի ազգանունով: Կարեն Սարգսյանն է ներկայացնում՝ քանի մարզիկ ունեն արդեն:
«Այսօրվա դրությամբ 55-60 մարզիկներ ունեք: Շուշեցի մարզիկների կեսից աելին միացել է մեզ»:
Մարզիկ Կարենի խոսքով՝ պատերազմից հետո նրանք հնարավորություն չեն ունեցել սպրոտաձևով զբաղվելու, անգամ տարրական պայմաններն էին բացակայում, բայց այսօր պատկերն այլ է:
«Պատերազմից հետո հույս չունեինք, որ մարզադահլիճ կունենանք, բայց այսօր նորից ունենք մեր անկյունը՝ բոլոր հարմարություններով»:
ԿԳՄՍ նախարարի տեղակալ Աշոտ Դանիելյանի կարծիքով՝ այսօր մարզաձևը մեծ առաջխաղացում է գրանցել հանրապետությունում։ Նա կարծում է, որ առաջիկա օլիմպիական խաղերում մարզաձևը կընդգրկվի ծրագրի մեջ:
«Սպորտաձևն արդեն կոչվում է օլիմպիական մարզաձև, բայց օլիպիական խաղերի ծրագրում դեռ ընդգրկված չէ: Կարծում եմ հաջորդ օլիմպիական խաղերում արդեն կներառվի ծրագրում»:
9-ամյա Սամվելը արդեն 3 տարի սամբոյով է զբաղվում, շատ է սիրում այս սպորտաձևը՝ ասում է: Պատմում է, թե ինչ է հասցրել սովորել այս ընթացքում:
«3 տարի է ինչ պարապում եմ: Ես ինձ շատ լավ եմ զգում այստեղ, նոր ընկերներ եմ ձեռք բերել, տարբեր սպորտային շարժումներ սովորել»:
Այս մարզադահլիճը Շուշիի մարզադահլիճից այդքան էլ չի տարբերվում, ասում են մարզիկները՝ նրանք այստեղ փորձում են Շուշիի կոլորիտ ստեղծել:
